FNP Ta Destaká Ròl di Empresarionan Femenino na Okashon di Dia Internashonal di Hende Muhé

FNP Ta Destaká Ròl di Empresarionan Femenino na Okashon di Dia Internashonal di Hende Muhé

Willemstad, Curaçao – Den kuadro di Dia Internashonal di Dia di Hende Muhé riba 8 di mart, Fundashon Negoshi Pikiña (FNP) ta destaká e ròl importante ku muhénan empresario ta hunga den desaroyo ekonómiko di Kòrsou.

Pa mas ku dos dekada FNP a traha pa promovê entrepreneurship i edukashon finansiero bou di hubentut i den komunidat. Mediante programanan na skol i den komunidat, e fundashon a mira kon mas i mas hende muhé ta liderá den inisiativanan di negoshi, ta krea kupo di empleo i ta kontribuí na resilensia ekonómiko di nos isla.

Komo parti di su plataforma institushonal renová pa e periodo 2026–2029, FNP a konfirmá resien lansamentu di Curaçao Business Hall of Fame, un inisiativa di rekonosimentu  pa onra empresarionan ku a kontribuí di manera signifikativo na ekonomia di Kòrsou.

Den e plataforma aki lo tin tambe un Women in Entrepreneurship Award, ku kua lo rekonosé muhénan ku ta mustra liderasgo, perseveransia i impakto positivo den mundu di negoshi.

“Muhénan empresario tin un ròl vital den desaroyo di nos ekonomia i ta inspirá generashonnan di futuro,” segun Elgenia Pieternella, presidente di Fundashon Negoshi Pikiña.

Lo anunsiá mas informashon tokante Curaçao Business Hall of Fame den lunanan benidero i e proseso di nominashon.