Minister Cooper ta otorgá proyektonan den kuadro di ‘Life Extension 2026’
Tráfiko, Transporte i Planifikashon Urbano
Minister Cooper ta otorgá proyektonan den kuadro di ‘Life Extension 2026’
Publiká riba 06 Mart 2026
Willemstad – Riba djabièrnè 6 di mart 2026, Minister Charles Cooper, huntu ku Servisio pa Obra Públiko (Ow) a otorgá ofisialmente e proyektonan den kuadro di e programa “Life Extension 2026” na 4x diferente kontratistanan.
E programa “Life Extension 2026” ta forma parti di e maneho kontinuo di mantenshon di kamindanan di ministerio, i ta enfoká riba prolongá bida útil di kamindanan na un manera sostenibel, dor di apliká konstrukshon di fundashon ku diabas den diferente bario.
E proyektonan ta wòrdú otorgá na e siguiente kontratistanan:
Ortela General Contractors
- Aplikashon di konstrukshon di fundeshi ku diabas na Seru Grandi Fase 2
- Aplikashon di konstrukshon di fundeshi ku diabas na Kaya Bors & Wans
- Aplikashon di konstrukshon di fundeshi ku diabas na Jan Doret Kaya Diemond
Catspatran N.V.
- Aplikashon di konstrukshon di fundeshi ku diabas na Tucacas & Kent U Zelf Fase 2
- Aplikashon di konstrukshon di fundeshi ku diabas na Kirindongo Abou Fase 2
Steven General Construction & Transport B.V.
- Aplikashon di konstrukshon di fundeshi na Paradijs i su besindario Fase 2
- Aplikashon di konstrukshon di fundeshi na Kaya Trektor Fase 2
Mirten General Construction
- Aplikashon di konstrukshon di fundeshi na Mahuma Fase 2
- Aplikashon di konstrukshon di fundeshi na Sami Liber i besindario
Ku e otorgashon di e proyektonan aki, Minister Cooper i OW ta mustra nan kompromiso kontinuo pa mantenshon struktural di kamindanan i pa promové seguridat den tráfiko na Kòrsou. Dor di invertí na tempu den un fundeshi fuerte, nos ta prevení mas deterioro di e kaminda i ta pone un base sólido pa aplikashon di asfalt den un siguiente fase.
Ehekushon di e proyektonan lo tuma lugá den diferente fase. Habitantenan lo wòrdú informá na tempu tokante eventual medida di tráfiko i trabounan den nan bario.
639114718427035"
639114718427035"