Introdukshon di karchi di Bankomátiko nobo pa kobradónan di ònderstant

Willemstad – For di promé di aprel 2026 Banco di Caribe N.V. lo fungi komo e banko di kas nobo pa Gobièrnu di Kòrsou. Gobièrnu di Kòrsou ta hasi uso di un banko di kas pa ehekushon di su asuntunan bankario diario di kual, entre otro, pago di ònderstant. Pa hasi esei posibel, lo distribuí karchi nobo na tur kobradó di ònderstant (kliente). Un bentaha importante di e traspaso pa Banco Di Caribe ta ku e klientenan lo tin e posibilidat di wak nan saldo online i hasi transferensia i pago online.
E distribushon di karchi nobo lo tuma lugá na Sambil entre 11 pa 20 di mart 2026 di 8:00 am te ku 18:00 pm ku eksepshon di djasabra i djadumingu, segun sekuensia di álfabèt di bo fam. Solamente riba e dia i durante e orario indiká, por akudí na e stènt di Ministerio di Desaroyo Sosial, Labor i Bienestar (SOAW) i Banco di Caribe na Sambil pa risibí bo karchi nobo.
Si bo presentá riba un fecha diferente na e fecha indiká, lo bo no por haña asistensia (E karchinan ku ta korespondé na fam i e fecha konserní so lo tei na e lokalidat).

Skema di entrega di karchi nobo sigun sekuensia alfabétiko di fam

• Djárason 11 di mart 2026: kobradónan di kual nan fam ta kuminsá ku A i B
• Djaweps 12 di mart 2026: kobradónan di kual nan fam ta kuminsá ku C i D
• Djabièrnè 13 di mart 2026: kobradónan di kual nan fam ta kuminsá ku E, F i G
• Djaluna 16 di mart 2026: kobradónan di kual nan fam ta kuminsá ku H, I, J, K i L
• Djamars 17 di mart 2026: kobradónan di kual nan fam ta kuminsá ku M
• Djárason 18 di mart 2026: kobradónan di kual nan fam ta kuminsá ku N, O, P, Q i R
• Djaweps 19 di mart 2026: kobradónan di kual nan fam ta kuminsá ku S, T, U i V
• Djabièrnè 20 di mart 2026: kobradónan di kual nan fam ta kuminsá ku W, X, Y i Z

Pa yega na e stènt di SOAW i Banco di Caribe por usa e entrada na Sambil di Caracasbaai i lo mira bòrchi ku ta indiká unda lo mester bai.

Pa fasilitá e klientenan di SOAW ku no tin transporte pa yega Sambil, tin un bùs disponibel pa transportá kobradónan di ònderstant pa Sambil. E bùs ta disponibel solamente pa personanan ku mester buska nan karchi nobo riba e fecha indika.

E bus di Banco Di Caribe ta sali na e parada di bùs na Otrobanda, pegá ku Arubastraat. E bus lo kore kada ora durante e orario di 8:00 or di mainta pa 6:00 or di atardi. E último bus ku ta sali for di Otrobanda ta 4:30 pm i for di Sambil pa bai bèk Otrobanda ta 6:00 pm.

Dokumentonan nesesario pa buska e karchi
Ora di buska e karchi nobo, mester trese e siguiente dokumentonan:

• Identifikashon bálido: Sédula, reibeweis òf pasport bálido. Sin dokumentu bálido no por risibí e karchi.
• Den kaso ku e kobradó di ònderstant ta kasá: mester trese e trouwboek.
• Den kaso di un persona outorisá (gemachtigde): mester trese e karta di outorisashon (machtigingsbrief SOAW), identifikashon bálido di e persona ku ta outorisá (gemachtigd) i identifikashon bálido di e kobradó di ònderstant.

E klientenan ku no por presentá riba e dia i fecha stipulá, mester tuma kontakto ku nan kas di Bario pa risibi un fecha nobo pa tuma nan karchi. Pa mas informashon por tuma kontakto ku e kas di bario mas serka di bo:

• Kas di Bario Punda/ Banda Ariba
  Tel.: (+5999) 724-5251
  Whatsapp: (+5999) 562-7629
• Kas di Bario Brievengat
  Tel.: (+5999) 724-5252
  Whatsapp: (+5999) 563-7629
• Kas di Bario Otrobanda/ Banda Abou
  Tel.: (+5999) 724-5253
  Whatsapp: (+5999) 564-7629
• Kas di Bario Sta. Maria
  Tel.: (+5999) 724-5254
  Whatsapp: (+5999) 565-7629