Minister Sithree “Cey” van Heydoorn [Enseñansa] Durante mi biahe di trabou na Miami, nos a firma un Memorandum of Understanding (MoU) ku Florida Institute of Technology (FIT).

 

Minister Sithree “Cey” van Heydoorn

[Enseñansa]
Durante mi biahe di trabou na Miami, nos a firma un Memorandum of Understanding (MoU) ku Florida Institute of Technology (FIT).
Ku e kolaborashon aki, nos studiante nan lo por benefisiá di mas oportunidat pa sigui estudio superior, ku kondishonnan mas favorabel i un interkambio di konosementu riba nivel internashonal.
E firmamentu a tuma lugá den presensia di representantenan di Florida Institute of Technology,
nos Minister Plenipotensiario na Estados Unidos, sr. Jèrôme Beeldsnijder,
sr. Sidney Justiana direktor di Stichting Studiefinanciering Curaçao (SSC),
tambe Minister di Asuntunan Ekonómiko, sr. Roderick Middelhof, i Minister di Aruba, sra. Gerlien Croes.
E tipo di kolaborashon aki ta un invershon den e futuro di nos pais.
Ku mas oportunidat pa estudio i desaroyo, nos ta sigui habri kaminda pa nos hóbennan por alkansá nan potensial i kontribuí ku orguyo na progreso di Kòrsou.