𝐌𝐢𝐧𝐢𝐬𝐭𝐞𝐫 𝐏𝐥𝐞𝐧𝐢𝐩𝐨𝐭𝐞𝐧𝐬𝐢𝐚𝐫𝐢𝐨 𝐢𝐧𝐭𝐞𝐫𝐢𝐧𝐨 𝐝𝐢 𝐊ò𝐫𝐬𝐨𝐮, 𝐬𝐫. 𝐄𝐫𝐫𝐨𝐥 𝐁𝐢𝐬𝐡𝐨𝐩, 𝐚 𝐚𝐬𝐢𝐬𝐭í 𝐝𝐣𝐚𝐰𝐞𝐩𝐬 𝟏𝟐 𝐝𝐢 𝐦𝐚𝐫𝐭 𝟐𝟎𝟐𝟔 𝐧𝐚 𝐞 𝐝𝐢𝐬𝐤𝐮𝐫𝐬𝐨 𝐚𝐤𝐚𝐝é𝐦𝐢𝐤𝐨 (𝐨𝐫𝐚𝐭𝐢𝐞) 𝐝𝐢 𝐏𝐫𝐨𝐟𝐞𝐬𝐨𝐫 𝐝𝐫. 𝐅𝐫𝐚𝐧𝐜𝐢𝐨 𝐆𝐮𝐚𝐝𝐞𝐥𝐨𝐮𝐩𝐞 𝐧𝐚 𝐔𝐧𝐢𝐯𝐞𝐫𝐬𝐢𝐝𝐚𝐭 𝐝𝐢 𝐀𝐦𝐬𝐭𝐞𝐫𝐝𝐚𝐦.

𝐌𝐢𝐧𝐢𝐬𝐭𝐞𝐫 𝐏𝐥𝐞𝐧𝐢𝐩𝐨𝐭𝐞𝐧𝐬𝐢𝐚𝐫𝐢𝐨 𝐢𝐧𝐭𝐞𝐫𝐢𝐧𝐨 𝐝𝐢 𝐊ò𝐫𝐬𝐨𝐮, 𝐬𝐫. 𝐄𝐫𝐫𝐨𝐥 𝐁𝐢𝐬𝐡𝐨𝐩, 𝐚 𝐚𝐬𝐢𝐬𝐭í 𝐝𝐣𝐚𝐰𝐞𝐩𝐬 𝟏𝟐 𝐝𝐢 𝐦𝐚𝐫𝐭 𝟐𝟎𝟐𝟔 𝐧𝐚 𝐞 𝐝𝐢𝐬𝐤𝐮𝐫𝐬𝐨 𝐚𝐤𝐚𝐝é𝐦𝐢𝐤𝐨 (𝐨𝐫𝐚𝐭𝐢𝐞) 𝐝𝐢 𝐏𝐫𝐨𝐟𝐞𝐬𝐨𝐫 𝐝𝐫. 𝐅𝐫𝐚𝐧𝐜𝐢𝐨 𝐆𝐮𝐚𝐝𝐞𝐥𝐨𝐮𝐩𝐞 𝐧𝐚 𝐔𝐧𝐢𝐯𝐞𝐫𝐬𝐢𝐝𝐚𝐭 𝐝𝐢 𝐀𝐦𝐬𝐭𝐞𝐫𝐝𝐚𝐦.
Profesor Guadeloupe ta un antropólogo sosial i kultural di orígen arubiano, afiliá na Amsterdam Institute for Social Science Research (AISSR). Su trabou akadémiko ta enfoká riba identidat, relashonnan postkolonial i dinámikanan sosial den Reino Hulandes, spesialmente entre Hulanda i e paisnan di Karibe Hulandes.
Den su diskurso akadémiko titulá “Weaving Dutch Caribbean Studies: Anthropological Research of the Kingdom of the Netherlands”, Profesor Guadeloupe a eksplorá kon bida, identidat i relashonnan sosial ta konektá ku otro entre e diferente paisnan den Reino Hulandes. Su investigashon ta mustra ku Hulanda i Karibe no ta mundunan separá, sino komunidatnan ku ta konektá pa medio di relashonnan históriko, sosial i kultural ku ta forma e manera ku hende ta eksperensiá pertenensia, desigualdat i kambio sosial.
E oratie a tuma lugá den kuadro di su nombramentu komo Profesor di Public Anthropology of Kingdom Relations na Universidat di Amsterdam.
Minister Plenipotensiario interino, sr. Bishop, ta deseá Profesor Guadeloupe hopi éksito den su kátedra nobo i den su trabou kontinuo pa profundisá konosementu riba e relashonnan entre e diferente paisnan den Reino Hulandes i e papel ku e komunidatnan karibense ta hunga den esei.