Prome Minister Mike Eman a habri diasabra mainta e conferencia ministerial di OCTA (Overseas Countries and Territories Association).

Prome Minister Mike Eman a habri diasabra mainta e conferencia ministerial di OCTA (Overseas Countries and Territories Association). Esaki den conexion cu e 21 edicion di Overseas Countries and Territories – European Union Forum, un plataforma internacional pa dialogo entre Union Europeo y su Paisnan y Teritorionan Ultramarino (LGO). “Nos islanan ta Europa den lama Caribe, Europa den ocean Artico y ocean Pacifico” Prome Minister Mike Eman a subraya tambe diferente posibilidad cu cooperacion estrecho entre Union Europeo y e islanan por establece.

Un mensahe clave durante e reunion ta cla: e paisnan y teritorionan no ta solamente parti di Europa, nan ta representa Europa den diferente region di mundo. Den Caribe, Pacifico y Artico, nan ta ocupa un posicion di “front line”. E posicion aki mester uza strategicamente pa crea proyecto di interes comun cu por beneficia tanto e region como e Union Europeo. Esaki tabata durante e conferencia ministerial di OCTA (Overseas Countries and Territories Association). Esaki den conexion cu e 21 edicion di OCT – European Union Forum, un plataforma internacional pa dialogo entre Union Europeo y su Paisnan y Teritorionan Ultramarino (LGO).

Prome Minister Mike Eman a para keto riba dos tema central cu ta na enfoke durante e conferencia ministerial di OCTA (Overseas Countries and Territories Association). Prome, e fortalecemento di e organisacion OCTA. A base di discusionnan y acuerdo reciente, tin un direccion positivo pa sigura continuidad y eficiencia di e organisacion. OCTA ta di gran importancia pasobra e ta representa e punto principal di contacto diario cu Union Europeo.

Cu un vision cla y compromiso comparti, Aruba ta continua posiciona su mes como un socio confiabel y un lider den cooperacion internacional, mirando cu determinacion pa un futuro sostenibel y inclusivo. E reunion Overseas Countries and Territories ta sigui durante fin di siman y dialuna lo tin e OCT-EU Forum y diamars un conferencia di inversionista.

 

“Pa Aruba y otro paisnan SIDS (Small Island Development States) e relacion cu Union Europeo ta esencial. Varios lider local ta enfrenta reto compleho pa maneha desaroyo social, salud publico, infrastructura y siguridad, tur den un contexto di costo operacional halto. Den e marco aki, cooperacion internacional ta un elemento clave pa logra desaroyo sostenibel.” Mike Eman a enfatisa durante e reunion cu el a presidi hunto cu otro diestres pais manera Aruba.

Aruba ta cede di e 21 Foro di e OCT–EU Forum, un plataforma internacional importante pa dialogo entre Union Europeo y su teritorionan ultramar.