KUERPO POLISIAL KORSOU

KOMUNIKADO DI PRENSA                                            

073/2026

12 mart 2026

Akshon kontra mal stashonamentu den Punda

Djarason 11 di mart 2026, personal di warda di polis Punda a tene un akshon durante di dia kontra outomobilistanan ku tabata stashona nan vehikulonan robes den sentro di siudat.

Ta trata di vehikulonan ku a wordu parker entre otro riba asera, na espasionan destina pa karga i deskarga merkansia i sitionan na unda nan tabata opstakulisa visibilidat di otro usuarionan of libertat di e trafiko.

E akshon a konsentra den tantu kurason di Punda pero tambe e area di Pietermaai.

E unidatnan a klem un kantidat grandi di vehikulo i a reparti alrededor di 23

proses-verbal pa e violashonnan aki. Tene kuenta ku e akshon aki lo kontinua.