Minister Shalten Hato {Nos ta dal stap pa LBD}

Minister Shalten Hato
{Nos ta dal stap pa LBD}
Riba mi invitashon komo Minister di Hustisia, mi a risibí representantenan di sindikato STRAF, sindikato NAPB, sindikato SAP i sindikato ABVO pa duna nan informashon tokante e situashon di e èks LBDnan i e avanse ku a logra te ku awor.
E reunion a pasa den un bon atmósfera di diálogo i rèspèt, unda mi a por splika tur e pasonan ku a wòrdu tuma te ku awor, manera tambe e dos proposishonnan ku ta riba mesa pa e desaroyo di esnan ku aktualmente ta forma parti di e èks LBD.
Mi a indiká ku e dos proposishonnan aki lo wòrdu presentá na Konseho di Minister na fin di e luna di mart, pa asina por yega na un desishon final. Un di e proposishonnan ta pa kambia e nòmber di e organisashon pa Beveiliging, Bewaking i Arrestanten Transport, ku ta reflehá mihó e trabou importante ku e grupo aki ta hasi.
Nos ta sigui traha den diálogo ku tur partido involukrá pa yega na un solushon kla i sostenibel pa tur hende.