Parlamentario Ishahier Monte a tuma nota di algun deklarashon di e asosashon di horeca.

Parlamentario pa frakshon di MFK, sr. Ishahier Monte, a tuma nota di algun deklarashon importante i tambe prekupante ku asosashon di horeca lo mester a trese dilanti.

Ta konosi pa hopi tempu kaba ku den e area di hotel i tambe restaurant nan, tin un skarsedat grandi di trahadó. Ku ta pone ku doño nan ta sinti falta di trahadó traha i pa duna un bon servisio.

Diferente motibu a bini dilanti den deklarashon nan di e asosashon kual por ta e motibu nan ku no tin trahadó.

Loke a hala Sr Monte su atenshon ta ku e echo ku ta bisa ku tur restaurant ta paga mas ku sueldo minimo, i esaki si Sr Monte ke para ketuna dje. Informashon ku Sr Monte a haña ta ku no ta tur restaurant ta paga mas ku sueldo minimo. I esaki ta un di e punto nan sigur ku no ta haña trahadó fasil i tambe e kondishon nan di trabou ku no ta bn regla pa nan. Algu tambe sigur ta ku hopi trahadó no ta sigurá

Sr Monte naturalmente kual ta un di e persona nan sigur ku den e area di horeca aki ta dunando hopi atenshon i tambe ta yudando hopi hende haña trabou. Ke tòg pidi asosashon di horeca pa hasi un sondeo sigur den nan miembro nan wak si ta tur ta kumpli ku loke nan ta papia.

Sr Monte lo bai propone/ presenta sigur na e asosashon aki idea nan di adaptashon di konsepto nan di lei ku ta trahando riba dje, pa serka nan tambe haña un sosten i tende kiko ta nan pensamentu riba e punto nan importante nan aki.

Banda di esei Sr Monte ta kontentu ku e asosashon ta mira e importansia i nesesidat i ta pone nan mes disponibel pa duna oportunidat na yu nan di Kòrsou oprtunidat pa traha.

Pero loke tambe a hala atenshon i ku Sr Monte ta haña peligroso ta ku nos ta kuminsa importa trahadó ku ta pone ku aki par di tempu no tin trabou pa e yu di Kòrsou sin ku nos a hasi otro intento nan pa haña trahadó yu nan di Kòrsou.

Lo bai tin tambe un karta ku lo bai di parti Sr Monte na asosashon di restaurant i hotèl nan pa ban invertí den curso nan ku pago pa asina traha riba hende pa traha den e sektor aki, paso esaki tambe ta un di e solushon nan pa krea trahadó.