Parlamento di Kòrsou Djaweps, 12 di mart 2026, di tres dia di Intertraffic 2026 na Amsterdam, Hulanda.

Parlamento di Kòrsou

Djaweps, 12 di mart 2026, di tres dia di Intertraffic 2026 na Amsterdam, Hulanda.
A toka turno pa buska mas informashon riba sistemanan di seguridat riba kareteranan públiko i a probechá bishitá algun “booth” ku ta traha ku plachi di number.
Pa loke ta trata sistemanan di seguridat, e delegashon por a tuma nota di diferente desaroyo i avansenan teknológiko ku ta hasi posibel ku por trese tantu mas sentido di seguridat komo e seguridat mes. Por ehèmpel a mira i risibí informashon riba kámaranan di seguridat ku ta midi i duna diferente datonan manera spit, koló, peso, grandura i informashon di plachi number di un vehíkulo pa por sigui esaki den kaso ku ta nesesario.
Algun otro sistema di kámara di vigilansia sumamente interesante ta e aparatonan ku por ehèmpel polis por usa pa patruyá den outo, riba skuter òf bròmer i riba baiskel. Banda di esnan movibel tin tambe e palunan (mast) fiho ku por pone na puntonan stratégiko pa vigilá tur loke ta pasa. Asina tin mas opshonnan ku por inkorporá manera un boton di emergensia ku por ehèmpel un turista òf siudadano por usa na momento ku algu pasa.
E delegashon a keda sumamente enkantá ku e bòrchinan digital ku ta yama Punto di Informashon. E sistema aki ta duna oportunidat pa un persona den un área spesífiko manera sentro di siudat, por mira presis unda e ta pará i kua ta tur e diferente instansianan rondó di dje, na unda esakinan ta keda, kon yama nan i kon pa kana òf kore yega. E persona por asta skèn i konektá atraves di google ku su selular i e ta keda guia kon pa yega e destinashon deseá.
“Boothnan” di plachi di number tambe a hala interes di e miembronan. Akinan a wak risibí diferente informashon pa por traha riba dje pa futuro. For di mashinnan ku por traha plachinan fo’i kuminsamentu te na final, te na sistemanan ku por traha e parti básiko di un plachi, inkluso inkorporá demas aspektonan di seguridat, i laga sobra pa e pais mes kaba di hinka den otro. E último aki por sirbí por ehèmpel si lo ke krea trabou pa un grupo di enfoke den komunidat.