DEMOSTRÁ KU BO KURASON TA KU BLOU: KÒRSOU A KAMBIA KLASIFIKASHON PA MUNDIAL DEN UN MOVEMENTU DI FE I KONFIANSA!

 

 

DEMOSTRÁ KU BO KURASON TA KU BLOU: KÒRSOU A KAMBIA KLASIFIKASHON PA MUNDIAL DEN UN MOVEMENTU DI FE I KONFIANSA!

 

Despues di e klasifikashon históriko pa Kopa Mundial di Futbòl 2026, e ekipo nashonal di Kòrsou ta haasi yamada riba fanátikonan pa “Demostrá e Kurason Blou”.  

Bou di guia di Federashon Futbòl Kòrsou i e movementu The Blue Wave, ta saliendo padilanti ku e inisiativa pa invitá fanátikonan di tur parti di nos isla i e diaspora global pa selebrá e logro, apoyá e tim nashonal i yuda transformá e éksito di futbòl den un impakto sosial duradero.

 

Atraves di e kampaña, ta enkurashá fanátikonan pa bisti e produktonan ofisial, kompartí e Kurason Blou ‘online’ i kontribuí aktivamente na e desaroyo di e futbòl hubenil i krea oportunidat pa e siguiente generashon. E kampaña ta sostené pa personanan modelo i konosí di Kòrsou i Hulanda ku tin un konekshon fuerte ku nos isla. Figuranan influente manera Jörgen Raymann, Jeon, Churandy Martina, Tania Kross, Jandino Asporaat, Andruw Jones, Hensley Meulens i Izaline Calister ta apoyá públikamente e movementu, demostrando di ta ku e Kurason Blou. Nan partisipashon ta yuda amplia e mensahe di orguyo, konvikshon i posibilidat, demostrando na siudadanonan hóben di Kòrsou ku nos talento i ambishon por vibra muchu mas leu ku na Kòrsou solamente. 

 

“E klasifikashon akí no ta solamente un logro deportivo,” Gilbert Martina, presidente di FFK a deklará. “E ta demostrá kiko eksaktamente kerensia, struktura i konsistensia ta generá. Mustrando nos Kurason Blou, nos ta traspasá ku konvikshon nos kerensia, sigurando ku kada hóben di e isla ta sintié sostené i kapas pa soña grandi. Komo parti di e inisiativa akí FFK a lansa di forma ofisial un kolekshon di merkansia huntu ku Voetbalshopnl., den forma di shirts (suèter), pèchi, shal i bandera di kalidat. E kolekshon di merkansianan Blue Wave ta optenibel awor via www.voetbalshop.nl/curacao i pronto tambe den Sambil Shopping Centre den Willemstad. 

 

Kada fanátiko di un manera hopi bistoso por ekspresá su relashon ku Kòrsou i nos ekipo nashonal, bistiendo e muestra ofisial di Kurason Suèter Blou pa fanátikonan i ku e man riba kurason, ta e gesto ku ta simbolisá orguyo, unidat i kerensia den e futuro di nos isla. 

 

Ganashi di tur benta ofisial di produktonan di e ekipo nashonal di Kòrsou lo ta invertí dirèkt den e programanan di desaroyo di FFK pa sostené futbòl hubenil, inisiativanan lokal i kresementu di futbòl femenino riba nos isla, sigurando ku e klasifikashon históriko akí lo krea oportunidatnan duradero pa generashonnan ku ta bini.

 

Pa mas informashon bishitá: https://curacao-united.com i https://ffk.cw

 

15 mart 2026