Den Haag- Djarason 18 di mart 2026 señor Errold Bishop, Minister Plenipotensiario Suplente di Kòrsou, a ofrese un almuerso di trabou na Minister Plenipotensiario di Aruba, señora Mildred Schwengle, i Minister Plenipotensiario di Sint Maarten, señora Gracita Arrindell.

March 19, 2026 REDAKSHON

Den Haag- Djarason 18 di mart 2026 señor Errold Bishop, Minister Plenipotensiario Suplente di Kòrsou, a ofrese un almuerso di trabou na Minister Plenipotensiario di Aruba, señora Mildred Schwengle, i Minister Plenipotensiario di Sint Maarten, señora Gracita Arrindell. E karákter di e almuerso tabata unu di sera konosí, pero tambe di kuminsá dialogá riba un kooperashon mas estrecho posibel entre e tres representantenan ofisial di nos respektivo paisnan outónomo den Reino Hulandes.

Na di dos lugá e momentu aki a sirbi pa Kòrsou i Sint Maarten felisitá di kurason nos kolega di Aruba, señora Mildred Schwengle, riba e Dia di Himno i Bandera di su pais natal Aruba. E selebrashon di e aña aki por sierto tin un toke spesial ya ku e aña aki Aruba ta konmemorá e di 40 aniversario di su status aparte i 50 aniversario di dia di himno i bandera. Tur presente por a sinti e sinergia i e ambishon pa traha huntu na un futuro mas briante pa nos paisnan.

Por bisa ku for di Den Haag tambe lo bini ideanan i interkambio ku nos gobièrnunan den Karibe pa nos por hasi kosnan grandi pa nos paisnan. E entousiasmo serka tur tres e Minister Plenipotensiarionan ta haltu i nan ta mira dilanti riba un bon relashon entre e tres paisnan ku ta formando parti di Reino Hulandes.