KUERPO POLISIAL KÒRSOU 

KOMUNIKADO DI PRENSA

085/2026

19 mart 2026 

Komisario Sharetti Bryan lo risibí rekonosimentu di liderato na Merka 

 

Djárason dia 25 di mart benidero, Komisario di polis sra. Sharetti Bryan lo risibí un rekonosimentu di liderato durante di e ‘Women’s History Month  Leadership Awards Ceremony’, ku lo tuma lugá na Saint Elizabeth University  Police Studies Institute na New Jersey, Estados Unidos. 

Señora Bryan kende pa algun luna kaba ta forma parti di Tim di Maneho di KPC  i alabes ta hefe di Servisionan Hudisial i Informashon di Kuerpo Polisial Kòrsou,  ta bira e promé dama polis den Reino Hulandes ku ta risibí e distinshon aki, pa  su servisionan i prestashon durante di su karera polisial. 

Kuerpo Polisial Kòrsou ta sinti su mes sumamente honrá ku banda di tur e  vibrashonnan positivo ku ya nos isla ta eksperensiando riba otro terenonan, ku  for di su seno tambe ta sali un miembro ku ta risibí e honor aki, poniendo  nòmber di Kòrsou bria aun mas. 

Palabranan di felisitashon ta bai pa sra. Bryan ku e rekonosimentu di gran  nifikashon i balor aki.