Kòrsou i El Salvador ta fortalesé koperashon den área di hustisia i seguridat / Curaçao en El Salvador versterken samenwerking op het gebied van justitie en veiligheid

Deklarashon di intenshon ta forma e siguiente paso den e trayekto di koperashon ku a kuminsá na 2024.

Willemstad, Kòrsou – Ministerio di Hustisia di Kòrsou i Ministerio di Hustisia i Seguridat Públiko di El Salvador tin e intenshon di firma un deklarashon di intenshon (Letter of Intent) djabièrnè próksimo, ku e meta pa fortalesé koperashon den área di hustisia i seguridat públiko. E koperashon ta enfoká prinsipalmente riba interkambio di konosementu, fortalesé institushonnan, kriminalidat ku ta traspasá frontera i e lucha kontra kriminalidat internashonal.

E base pa e koperashon aki a keda establesé dia 26 i 27 di novèmber 2024, ora ku Minister di Hustisia, mr. Shalten Hato, a partisipá na e konferensia internashonal Conferencia Internacional sobre Estado y Democracia (CIED 2024) na El Salvador. Durante e konferensia aki, unda temanan manera demokrasia, estado di derecho i seguridat públiko tabata sentral, Minister Hato a haña e oportunidat di konosé su kolega di El Salvador, Minister Héctor Gustavo Villatoro Funes.

E promé kontakto aki a forma e punto di salida pa eksplorá posibilidatnan di koperashon entre ámbos ministerio. Despues di konsulta i negosiashonnan na nivel di funshonario, Konseho di Minister di Kòrsou a duna su aprobashon na aprel 2025 pa drenta den e koperashon aki.

Interkambio di konosementu i fortalesementu di mantenshon di lei

E deklarashon di intenshon ta ofresé un kuadro pa koperashon den diferente área, entre otro pa kombatí krímen organisá, fortalesé organisashonnan polisial, maneho di migrashon i prevenshon di kriminalidat sibernétiko. Ademas, lo eksplorá posibilidatnan pa entrenamentu, bishitanan di trabou, koperashon tékniko i interkambio di konosementu, eksperensia i métodonan di trabou entre e instansianan kompetente di ámbos pais.

Minister Hato ta enfatisá e importansia di koperashon internashonal pa e desaroyo kontinuo di kadena hudisial na Kòrsou: “Koperashon internashonal ta brinda nos e oportunidat pa siña for di eksperensianan di otro pais i fortalesé nos propio manera di traha. Kada pais tin su propio retonan i solushonnan. Dor di interkambiá konosementu, nos por atkerí bista nobo ku ta kontribuí na un mantenshon di lei mas efektivo. Den esaki, nos propio legislashon, estado di derecho i protekshon di derechonan fundamental ta keda semper nos punto di salida. Nos meta final ta i ta keda un Kòrsou mas sigur.”

Mas koperashon dentro di e kuadronan legal

E deklarashon di intenshon tin un karakter orientativo i no ta krea obligashonnan hurídikamente pa e partidonan enbolbí. Eventual aktividatnan konkreto di koperashon lo ser elaborá mas aleu den konsulta mutuo, teniendo na kuenta e lei- i regulashonnan vigente i e kompetensianan di e instansianan enbolbí.

Señora Saran Magdalena-Inderson a aktua, bou di responsabilidat di Minister Hato, komo negoshadó prinsipal na nòmber di Kòrsou i a kordiná e konsultanan aki ku sr. Josué Roberto Liévano Paz, na banda di e outoridatnan di El Salvador.

Ku e deklarashon di intenshon aki, Kòrsou i El Salvador ta duna un siguiente paso den nan koperashon bilateral. E inisiativa aki ta kuadra ku e polítika di Ministerio di Hustisia pa sigui ampliá relashonnan di koperashon internashonal, profeshonalisá e kadena hudisial i fortalesé seguridat den komunidat di Kòrsou.

 

---

Intentieverklaring vormt volgende stap in samenwerkingstraject welke in 2024 werd ingezet.

Willemstad, Curaçao – Het ministerie van Justitie van Curaçao en het ministerie van Justitie en Openbare Veiligheid van El Salvador zijn van plan aanstaande vrijdag een intentieverklaring (Letter of Intent) te ondertekenen ter versterking van de samenwerking op het gebied van justitie en openbare veiligheid. De samenwerking richt zich voornamelijk op kennisuitwisseling, institutionele versterking en de gezamenlijke aanpak van grensoverschrijdende criminaliteit.

De basis voor deze samenwerking werd gelegd op 26 en 27 november 2024, toen minister van Justitie mr. Shalten Hato deelnam aan de internationale conferentie Conferencia Internacional sobre Estado y Democracia (CIED 2024) in El Salvador. Tijdens deze conferentie, waar onder andere democratie, rechtsstaat en openbare veiligheid centraal stonden, maakte minister Hato kennis met zijn Salvadoraanse ambtgenoot, minister Héctor Gustavo Villatoro Funes.

Dit eerste contact vormde de aanleiding om verdere samenwerkingsmogelijkheden tussen beide ministeries te verkennen. Na overleg en onderhandelingen op ambtelijk niveau stemde de Raad van Ministers van Curaçao in april 2025 in met het aangaan van deze samenwerking.

Kennisuitwisseling en versterking van de rechtshandhaving

De intentieverklaring biedt een kader voor samenwerking op verschillende terreinen, waaronder de bestrijding van georganiseerde criminaliteit, versterking van politieorganisaties, migratiebeheer en preventie van cybercriminaliteit. Daarnaast worden mogelijkheden verkend voor trainingen, werkbezoeken, technische samenwerking en uitwisseling van kennis, ervaringen en werkwijzen tussen de bevoegde instanties.

Minister Hato benadrukt het belang van internationale samenwerking voor de verdere ontwikkeling van de justitiële keten op Curaçao:

“Internationale samenwerking biedt ons de mogelijkheid om van elkaars ervaringen te leren en onze eigen aanpak verder te versterken. Ieder land kent zijn eigen uitdagingen en oplossingen. Door kennis uit te wisselen, kunnen wij nieuwe inzichten opdoen die bijdragen aan een effectievere rechtshandhaving. Daarbij blijven onze eigen wetgeving, rechtsstaat en de bescherming van fundamentele rechten altijd leidend. Ons uiteindelijke doel is en blijft een veiliger Curaçao.”

Verdere samenwerking binnen wettelijke kaders

De intentieverklaring heeft een verkennend karakter en schept geen juridisch bindende verplichtingen. Eventuele concrete samenwerkingsactiviteiten zullen in onderling overleg nader worden uitgewerkt, met inachtneming van de geldende wet- en regelgeving en de bevoegdheden van de betrokken instanties.

Mevrouw Saran Magdalena-Inderson trad, onder verantwoordelijkheid van minister Hato, namens Curaçao op als hoofdonderhandelaar en coördineerde de afstemming met dhr. Josué Roberto Liévano Paz aan de zijde van de Salvadoraanse autoriteiten.

Met deze intentieverklaring zetten Curaçao en El Salvador een volgende stap in hun bilaterale samenwerking. Het initiatief sluit aan bij het beleid van het ministerie van Justitie om internationale samenwerkingsverbanden verder uit te breiden, de justitiële keten te professionaliseren en de veiligheid binnen de Curaçaose samenleving te versterken.