REUNION ENTRE AMAK, MOVES ENTERTAINMENT I MANAGER DI EFREM J A BAI DEN BON ESFERA
REUNION ENTRE AMAK, MOVES ENTERTAINMENT I MANAGER DI EFREM J A BAI DEN BON ESFERA
WILLEMSTAD, AMAK a tene un reunion konstruktivo ku sr Alvin Daal manager di Efrem J i sr Darrel Rimon kende ta forma parti di e tim di Moves Entertainment kual a organisá e konsierto ku a tuma lugá fin di siman ku a pasá, kaminda entre otro Prince Royce i Romeo Santos a presentá.
Durante e reunion ámbos partido nan presentá i duna splikashon di nan banda tokante e trayekto I desafionan promé, durante i despues di e magno evento.
Loke ta importante pa para ketu na dje ta ku no ta usual ku Kòrsou ta logra haña artista nan internashonal di e taya aki pa trese nan show kompletu sin kita sierto elemento nan di e show. Tambe no ta usual ku artista nan di e nivel aki ta permití
ahuste di nan propio show I asina permití otro artista grandi presentá promé òf despues di nan presentashon. Esaki kada partido a keda enfatisá. Esaki ta un logro grandi pa Kòrsou danki na perseveransia i profeshonalismo di Moves Entertainment i tambe Efrem J i su Tim kompletu.
E reunion a bai den un esfera positivo i tur partido a keda satisfecho ku AMAK a invitá nan pa sinta na mesa pa papia i pa asina abase di e informashon korekto delinea e pasonan korekto.
Ta bon pa indiká ku AMAK semper ta para habri pa promotor, músiko i artistanan ku nesesidat di guia, asistensia i òf intervenshon di AMAK den okashon nan ku ta deseá esaki.
AMAK ta gradisí Sr. Darrel Rimon i tambe Sr. Alvin Daal pa nan disponibilidat pa dialogá riba e eksperensianan di fin di siman tras di lomba. Nos por papia di un tremendo evento na nivel haltu organisá pa yunan di tera ku a pèrkurá pa nos artista internashonal nase na Kòrsou por ta parti di e line up i duna un tremendo show.
