KUERPO POLISIAL KÒRSOU 

KOMUNIKADO DI PRENSA

082/2026

18 mart 2026 

Detenshon pa ekstorshon 

Relashoná ku un kaso di ladronisia di vehíkulo ku a tuma lugá dia 29 di yanüari  2026 den Kaya Macario Prudencia (Komunikado di Prensa 072/2026), polis a  hasi un detenshon. 

Kontinuando ku e investigashon polis a haña informashon ku despues di e  ladronisia e sopechosonan a tuma kontakto ku e doño di e vehikulo i a eksigi’é  plaka pa su mes vehíkulo. 

Enkonekshon ku esaki, djamars 17 di mart 2026 alrededor di 12.00’or, polis a  hasi detenshon di un hòmber sospechoso, pa ekstorshon. 

Ta trata di e hòmber F.W.B. di 37 aña di edat nasé na Kòrsou, ku aktualmente  ta será den S.D.K.K. 

A presentá e sospechoso dilanti di un fiskal ouksiliar ku a ordená su 

enkarselamentu den e kaso aki. 

Polis ta rekomendá tur siudadano ku bira víktima di ladronisia, pa no drenta  akuerdo ku ningun persona ni depositá ningun montante riba kuenta pa  rekobrá pertenensia bèk. 

Den tipo di kasonan asina, tuma kontakto inmediatamente ku polis.