Akshon kontra manehá vehíkulo bou di influensia alkohóliko 

KUERPO POLISIAL KÒRSOU 

 

KOMUNIKADO DI PRENSA

089/2026

21 mart 2026 

Akshon kontra manehá vehíkulo bou di influensia alkohóliko 

Djabièrnè 20 di mart 2026 entre 21.00’or i 23.00’or, un tim formá pa  agentenan polisial di Unidat di Trafiko, UST i e diferente wardanan, a tene  kontròl di tráfiko relashoná ku manehá vehíkulo bou di influensia di alkohòl. E kontròl aki a tuma lugá den area di Bapor Kibrá. 

A kontrolá 26 vehíkulo i a detené sinku (5) persona, di kua kuater (4) hòmber i  un (1) muhé, pa fungi komo shofùr bou di influensia di alkohòl. 

Dos (2) reibeweis a keda halá aden, debí ku e promilage di alkohòl serka e  shofùrnan aki tabata hopi haltu. 

Ademas a repartí 15 prosès verbal pa manehá vehíkulo sin seguro i karchi di  kùr bálido i winshil dilanti skur di plak. 

Kran a transportá dos vehíkulo.