𝐒𝐞𝐦𝐢𝐧𝐚𝐫𝐢𝐨 𝐭𝐢𝐭𝐮𝐥𝐚́: 𝐒𝐡𝐚𝐩𝐢𝐧𝐠 𝐭𝐡𝐞 𝐅𝐮𝐭𝐮𝐫𝐞 𝐨𝐟 𝐒𝐡𝐚𝐫𝐞𝐝 𝐀𝐢𝐫𝐬𝐩𝐚𝐜𝐞 𝐰𝐢𝐭𝐡 𝐃𝐫𝐨𝐧𝐞𝐬.

Minister di Tráfiko, Transporte i Planifikashon Urbano sr Charles Cooper tabata tin e honor di a habri e seminario “Shaping the Future of Shared Airspace with Drones”, organisá pa DC-ANSP.

Den su palabra, e la enfatisa ku drones no ta algu di futuro, nan ta aki kaba, kual ta trese oportunidat komo responsabilidat pa Kòrsou.

El a mustra e importansia di prepará nos isla pa inovashon, mientras nos ta garantisá seguridat, struktura i konfiansa públiko den nos espasio aéreo.

Gobiernu di Kòrsou ta sigui komprometé pa traha hunto ku tur stakeholdernan pa forma un espasio aéreo sigur, efisiente i prepará pa futuro, ku ta kontribuí na kresementu ekonómiko i desaroyo teknológiko.

Nos ta extendé nos apresio na DC-ANSP i su Director pa organisá un evento asina oportuno i valioso, kaminda ta uni ekspertonan pa guia futuro di aviashon den nos region.