𝐌𝐢𝐧𝐢𝐬𝐭𝐞𝐫 𝐁𝐨𝐞𝐤𝐡𝐨𝐮𝐝𝐭 𝐭𝐚 𝐩𝐨𝐧𝐞 𝐛𝐚𝐬𝐞 𝐩𝐚 𝐤𝐮𝐢𝐝𝐨 𝐝𝐢 𝐚𝐦𝐛𝐮𝐥𝐚𝐧𝐬 𝐦𝐨𝐝𝐞𝐫𝐧𝐨

𝐌𝐢𝐧𝐢𝐬𝐭𝐞𝐫 𝐁𝐨𝐞𝐤𝐡𝐨𝐮𝐝𝐭 𝐭𝐚 𝐩𝐨𝐧𝐞 𝐛𝐚𝐬𝐞 𝐩𝐚 𝐤𝐮𝐢𝐝𝐨 𝐝𝐢 𝐚𝐦𝐛𝐮𝐥𝐚𝐧𝐬 𝐦𝐨𝐝𝐞𝐫𝐧𝐨

Den Haag – Minister di GMN Tyron Boekhoudt, a hasi un bishita di trabou intensivo na Witte Kruis, un di e organisashonnan di ambulancezorg mas grandi i mas avansá na Hulanda.

Durante e bishita, delegashon di Kòrsou a haña un bista kompleto di kon un organisashon moderno di ambulancezorg ta funshoná, for di meldkamer i planifikashon, te ku operashon, entrenamentu di personal i kontrol di kalidat.

E bishita a enfoká riba trahamentu di un sistema di ambulancezorg na Kòrsou ku ta profeshonal, efisiente i sostenibel. Diferente aspekto importante a wordu trata, manera, organisashon, entrenamentu, sistemanan operashonal i maneho di kalidat.

Durante e bishita, a identifiká posibilidatnan konkreto pa kolaborashon ku Witte Kruis, inkluyendo sosten na organisashon, entrenamentu di personal i implementashon di sistema i proseso.

E informashonnan aki ta forma un base importante pa e siguiente fase di reforma di kuido di ambulans na Kòrsou, ku enfoke riba implementashon i resultadonan konkreto.