62 akomodashon i skol di buseo a risibí sertifikashon di kalidat ‘Quality Assurance’
62 akomodashon i skol di buseo a risibí sertifikashon di kalidat ‘Quality Assurance’
WILLEMSTAD – 31 di mart 2026 – Ofisina di Turismo di Kòrsou (CTB) den estrecho kolaborashon ku Ministerio di Desaroyo Ekonómiko i Curaçao Innovation & Technology Institute (CITI) a sertifiká un kantidat di 62 establesimentu ku a pasa e programa di sertifikashon di kalidat ‘Quality Assurance’ ku éksito. Komo parti di e programa, establesimentunan ku ta operá den e industria di turismo ta pasa un proseso di ouditoria. E ouditoria ta evaluá nan kumplimentu ku kriteria relashoná ku servisio di kalidat, seguridat i konsistensia. Durante un seremonia ameno sr. Muryad de Bruin, direktor di CTB huntu ku sra. Monique Raphaela, direktor di CITI a hasi entrega di plakat di sertifikashon na 40 akomodashon i 22 skol di buseo. Tambe e establesimentunan a risibí nan sertifikashon den vershon digital i di parti di CITI nan a risibí un badge digital interaktivo.
E programa di sertifikashon ‘Quality Assurance’ a keda establesé na 2014 pa sigurá ku Kòrsou su produkto turístiko ta kumpli ku normanan di kalidat haltu, seguridat i konsistensia. Aktualmente e programa ta inkluí e sektor di akomodashon (apartamentu, bùngalo, villas) i skol di buseo. E sektor di akomodashon ta klasifiká den 3 kategoria; Deluxe, Comfort, Economy. E kategorisashon ta basá riba kalidat di servisio, infrastruktura i ekipo. E meta ta pa manehá espektativa i redusí e diferensia entre e nivel di kalidat ku e konsumidó ta spera i e servisio ku e ta risibí.
Adishonalmente ta kontrolá si e establesimentu ta kumpli ku e metanan di sostenibilidat (SDG’s). Esaki ta un komponente nobo ku a keda introdusí. Establesimentunan ku ta kumpli ku e metanan di SDG ta haña ademas riba e plakat di sertifikashon un seyo di SDG. Algun di e puntonan pa e seyo di sostenibilidat ta: maneho di sushi, kolekta i selektá sushi, energia renobabel, bida bou di laman i edukashon di kalidat.
E establesimentunan ku a pasa e sertifikashon ku éksito lo bai tambe riba e wèpsait di CTB. E sertifikashon tin un balides di 2 aña i por keda renobá despues ku pasa e ouditoria di nobo.
62 Accommodations and Dive Schools Receive
‘Quality Assurance’ Certification
WILLEMSTAD – March 31, 2026 – Curaçao Tourist Board, in close collaboration with the Ministry of Economic Development and the Curaçao Innovation & Technology Institute, has certified a total of 62 establishments that successfully completed the Quality Assurance certification program. The certification program recognizes 40 accommodations and 22 dive schools that met the required standards following a comprehensive audit process. These audits assess each establishment’s compliance with criteria related to service quality, safety, and operational consistency. During a pleasant ceremony, Mr. Muryad de Bruin, CTB Managing Director, together with Mrs. Monique Raphaela, Managing Director of CITI, presented certification plaques to the participating establishments. In addition to the physical plaques, recipients were also provided with digital certificates and an interactive digital badge provided by CITI.
Established in 2014, the ‘Quality Assurance’ certification program aims to ensure that Curaçao’s tourism offerings consistently meet high standards of quality, safety, and reliability. The program currently covers the accommodation sector (apartments, bungalows, villas) and dive schools. Accommodations are classified into three categories: Deluxe, Comfort, and Economy, based on service quality, infrastructure, and available amenities. The classification system is designed to better align visitors’ expectations with the level of service provided.
A newly introduced component of the program focuses on sustainability. Establishments are now also evaluated based on their alignment with the Sustainable Development Goals (SDG’s). Those that met the sustainability criteria received an additional SDG seal displayed on their certification plaque. Key sustainability criteria include effective waste management, waste collection and separation, renewable energy, life below water, and quality education.
Certified establishments will also be featured on the CTB website. The certification remains valid for two years and can be renewed upon successful completion of a follow-up audit.
