Puntonan di atenshon pa portadónan di permít 

KUERPO POLISIAL KÒRSOU 

KOMUNIKADO DI PRENSA

107/2026 2 aprel 2026 

Puntonan di atenshon pa portadónan di permít 

Djaluna dia 6 di aprel 2026 i djadumingu 12 di aprel 2026 lo tuma lugá e  respektivo marchanan di seú di Banda Riba i Banda Bou. 

Pa por garantisá ku e fiestanan aki ta keda bèrdaderamente un ambiente  festivo, ta urgi tur doñonan di establesimentu i portadónan di un permít ku ta  bende konsumo, pa no bende ningun tipo di bebida den bòter of na bleki. 

E ophetonan aki por keda fásilmente usá komo arma na momentu ku surgi un  pleitu of bringamentu. 

Konsekuentemente esaki ta trese peliger pa òrdu públiko i seguridat di tantu  partisipantenan komo e públiko. 

P’esei e yamada na establesimentunan di Horeca, pa no laga bòter i bleki di  ningun forma, tampoko komo produkto destiná pa benta afó, resultá riba kaya  ku tur e konsekuensia ku esakinan por tin. 

Ademas e petishon na propetarionan di establesimentunan di permít, pa tene  nan mes estriktamente na e orario ku nan mester sera, konforme di nan  permít.

Tantu MEO komo Polis lo sa di tene debidamente kontròl riba e puntonan aki  riba menshoná i lo aktua kaminda esaki ta nesesario. 

Tur eventual gastu ku e kontròl i posibel medidanan lo trese kuné, lo bai pa  kuenta di e portadó di e permít.