KUERPO POLISIAL KÒRSOU 

 

KOMUNIKADO DI PRENSA

110/2026

6 aprel 2026 

Dos detenshon relashoná ku violensia relashonal, maltrato i menasa ku morto 

Djadumingo 5 di aprel 2026 alrededor di 05.57’or, Sentral di polis a dirigí un  unidat polisial pa un kas na Kaya Cirrus pa un kaso di violensia relashonal, maltrato i menasa ku morto. 

For di investigashon ku polis a hasi na e sitio a sali na kla ku despues di un  diskushon entre un pareha, a start un bringamentu i ámbos a maltratá otro. Na e sitio polis a detené e hòmber R.H.B. di 31 aña di edat i e dama R.S.H. di  29 aña di edat ámbos nasé na Kòrsou, relashoná ku e kaso ariba menshoná. 

A presentá e sospechosonan dilanti di un fiskal ouksiliar ku a ordená nan enkarselamentu pendiente di mas investigashon.