Parlamento di Kòrsou Djamars 7 di aprel 2026, Presidente di Parlamento, sr. Fergino Brownbill, a sostené un reunion formal ku e Órganonan Haltu di Estado, kual nan ta Raad van Advies Curaçao, Ombudsman Curaçao i Algemene Rekenkamer Curaçao.

Durante e enkuentro a deliberá tokante algun reto, entre nan, kon pa yega na un mihó forma pa interkambiá informashon i koperá ku otro pa por ehersé nan tareanan na bienestar di komunidat. Alabes a papia tokante kon e órganonan aki por asistí Parlamento ku, entre otro, inisiativanan di lei. Di su parti, Parlamento tambe a presentá algun punto di importansia i a duna su un bista riba kon por fortifiká e lasonan di kooperashon aki.

E reunion aki a keda yamá riba inisiativa di e tres órganonan aki, i mester bisa ku ta e promé biaha ku nan a reuní den e konstelashon aki ku un Presidente di Parlamento.