Dos detenshon pa ladronisia di vehíkulo 

KUERPO POLISIAL KÒRSOU 

 

KOMUNIKADO DI PRENSA

113/2026

9 aprel 2026 

Dos detenshon pa ladronisia di vehíkulo 

Relashoná ku un kaso di iregularidat riba dokumentonan di vehíkulo ku a tuma lugá dia 31 di  mart 2026 na e departamentu di kùr vehíkulo, e tim enkargá ku ladronisia di vehíkulo a detené e hòmber Q.S.P. di 36 aña di edat nase na Kòrsou, relashoná ku e kaso ariba  menshoná. 

Su detenshon a tuma lugá na e departamentu ariba menshoná. 

Kontinuando ku e investigashon mas lat den oranan di atardi, a detené e hòmber N.A.R.P.T. di 35 aña di edat nase na Korsou, relashoná ku mesun kaso. 

E sospechoso a entregá su mes na warda di reshèrshi. 

No ta eskluí ku lo bai tin mas detenshon den e kaso aki. 

A presentá e sospechosonan dilanti di un fiskal ouksiliar ku a ordená nan enkarselamentu  pendiente di mas investigashon.