Akshon di entrega di arma di kandela na Boneiru a finalisá

KRALENDIJK – E akshon di entrega di arma di kandela na Boneiru a finalisá. Djabièrnè 3 di aprel tabata e último dia ku por a entregá arma di kandela sin pregunta i sin konsekuensia.

Kuerpo Polisial Hulanda Karibense (KPCN) i Ministerio Públiko BES ta ekspresá nan gratitut na e personanan ku a hasi uso di e posibilidat aki i a entregá nan arma di kandela. Ku esaki, nan a duna un aporte importante na e seguridat riba e isla.

Durante e akshon di entrega, a entregá na total dos (2) arma di kandela, un (1) spada i dos (2) piesa di material eksplosivo. Lo destruí e materialnan akí tambe.

Transishon pa un mantenshon di lei estrikto
Ku finalisashon di e akshon aki, e oportunidat pa entregá un arma di kandela sin konsekuensia a kaduká. For di awor, polis i Ministerio Públiko lo kuminsá enfoká plenamente riba un maneho di mantenshon di lei hopi estrikto kontra poseshon ilegal di arma di kandela.

Den e último periodo, dos akshon di listramentu preventivo a tuma lugá. For di ayera, 8 di aprel, un òrdu nobo pa listramentu preventivo ta na vigor.

Poseshon ilegal di arma di kandela ta keda un riesgo serio pa komunidat di Boneiru. Personanan ku te ainda tin un arma di kandela den nan poseshon, por spera akshon direkto, persekushon penal i un eksigensia di kastigu pisá serka Hues.

KPCN i Ministerio Públiko ta keda dediká sin deskanso na un Boneiru mas sigur.

 

---

 

Inleveractie vuurwapens Bonaire afgerond

KRALENDIJK – De inleveractie voor vuurwapens op Bonaire is inmiddels afgerond. Vrijdag 3 april was de laatste dag waarop vuurwapens zonder vragen en zonder gevolgen konden worden ingeleverd.

Het Korps Politie Caribisch Nederland (KPCN) en het Openbaar Ministerie BES spreken hun dank uit aan de personen die gebruik hebben gemaakt van deze mogelijkheid en hun vuurwapen hebben ingeleverd. Daarmee is een belangrijke bijdrage geleverd aan de veiligheid op het eiland.

Tijdens de inleveractie zijn in totaal twee vuurwapens, een zwaard en twee stuks explosief materiaal ingeleverd. Deze materialen worden ook vernietigd.

Overgang naar strikte handhaving
Met de afronding van deze actie is de gelegenheid vervallen om zonder gevolgen een vuurwapen in te leveren. De politie en het Openbaar Ministerie gaan vanaf nu vol inzetten op streng handhavend optreden tegen illegaal vuurwapenbezit.

In de afgelopen periode hebben reeds twee preventief fouilleer acties plaatsgevonden. Sinds gisteren, 8 april, is opnieuw een bevel voor preventief fouilleren van kracht.

Illegaal vuurwapenbezit blijft een ernstig risico voor de veiligheid op Bonaire. Personen die nu nog in het bezit zijn van een vuurwapen, kunnen rekenen op direct optreden, strafrechtelijke vervolging en een stevige strafeis bij de Rechter.

Het KPCN en het Openbaar Ministerie blijven zich onverminderd inzetten voor een veilig Bonaire.