Entrada hudisial ku detenshon
KUERPO POLISIAL KÒRSOU
KOMUNIKADO DI PRENSA
119/2026
11 aprel 2026
Entrada hudisial ku detenshon
Den oranan di anochi di djabièrnè 10 di aprel 2026, unidat di reshèrshi ku ta enkargá ku investigashon basá riba algun insidente ku a tuma lugá resientemente, a tene entrada hudisial na un adrès den Rancho.
Na e adrès enkuestion alrededor di 23.30’or, e unidat a detené e hòmber T.H.G.T.S. di 17 aña di edat nasé na Kòrsou, sospechá di violashon di e leinan di arma di kandela i di opio, i intento di homisidio.
E detenshon aki tabata riba òrdu di Ministerio Públiko.
A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.

