Awe mainta Servisio Meteorológiko Kòrsou a risibi bishita di sr. Jon Eikelenstam i sr. Marius Sliedrecht.

Den kuadro di e bishita aki, Meteo a suministrá informashon tokante e diferente tareanan i responsabildat di Meteo pa spesifikamente e sektor di aviashon.

Algun di e topikonan ku a ser trata awe mainta:

• Impakto di wer severo riba aviashon

• Parameternan meteorológiko ku tin impakto riba aviashon

• Sistemanan di observashon outomatisá pa aeropuerto Hato

• Ekspertisio i konosementu meteorológiko den e área di islanan ABC

• Importansha di e Radar di Meteo den área di laman Karibe

• Fortifiká liñanan di komunikashon entre Servisionan Meteorológiko i tambe klientenan.

Servisio Meteorológiko Kòrsou komo e instansha outorisá pa suministrá informashon Meteorológiko i alerta pa país Kòrsou ta sigui traha duru pa brinda un miho servisio i traha den kolaborashon ku instanshanan Internashonal.

Riba imagen por mira: sr. Eikelenboom (Directeur onbemande luchtvaart,luchtruim en Luchthavens), sr. Andy Luciano(Hefe Weerkamer) i sr. Marius Sliedrecht (Strategisch Adviseur Luchtvaartveiligheid & Militair adviseur Koninklijke Marine).