Prome Minister Mike Eman  Durante e OCT-EU Forum a lansa varios programa concreto enfoca riba sostenibilidad, biodiversidad, maneho di calamidad y desaroyo di sector creativo.

Prome Minister mr. Mike Eman a enfatisa e progreso real logra durante e dianan di dialogo. Eman a indica cu e foro no solamente a keda den discusion, pero cu ya caba tin vario paso concreto pa bay dilanti cu diferente iniciativa.

Tambe e foro a confirma e reconocimento internacional pa Aruba, como resultado di añanan di trabou pa fortifica su posicion den Union Europeo y crea oportunidad pa dialogo y colaboracion. Mas cu un evento, e Foro OCT-EU ta marca un punto di salida pa un fase nobo, unda cu vision ta bira accion y plannan ta bira realidad cu Aruba como un partner fuerte y un brug entre Europa y Caribe.