𝐑𝐮𝐧𝐢𝐨𝐧 𝐌𝐢𝐧𝐢𝐬𝐭𝐫𝐞𝐚𝐥 𝐤𝐮 𝐝𝐢𝐫𝐞𝐤𝐭𝐨𝐫 𝐝𝐢 𝐖𝐇𝐃 𝐝𝐢 𝐈𝐌𝐅.

Den oranan di mainta trempan, Minister di Finansa sr Charles Cooper a tuma asiento na Caribbean Ministerial Meeting ku e direktor di WHD (Western Hemisphere Department) di IMF durante IMF Spring Meetings na Washington DC.

E reunion aki a reuni ministernan di finansa i lidernan ekonomiko di region Karibe pa papia tokante tema importante manera vulnerabilidat ekonomiko, inflashon, prijs di energia, debe i finansiamiento, manera tambe sostenibilidat i desaroyo.

Pa Kòrsou, e tipo di reunion aki ta di gran balor:

* Nos por mira kon otro isla ta manehá nan situashon finansiero

* Nos por kompará strategianan i siña di bon praktika den region

* Nos por fortalese relashonnan ku IMF i World Bank pa sosten i guia pa ku nos ekonomia.

Minister Cooper a mustra liderato dor di ta presente tempran den e reunion, sigurando ku Kòrsou su presensia ta fuerte i ku nos pais ta keda visibel komo un partner serio i aktivo den region.