ARUBA: Prome Minister Mike Eman a sostene encuentro strategico cu Joanna Kazana Wisniowiecki, Coordinador Residente di Nacionnan Uni pa region.

Durante e reunion, a intercambia riba prioridadnan comparti pa Aruba, incluyendo clima, naturalesa, y implementacion di Sustainable Development Goals (SDG’s). Tambe a discuti e proximo bishita oficial di trabou di e UNRC na mei 2026, cu lo enfoca riba cooperacion concreto y apoyo di Nacionnan Uni na nivel local.

Gobierno ta sigui traha riba fortalecemento di relacion multilateral, cu enfoke riba desaroyo sostenibel, resiliencia y bienestar di nos comunidad.