Parlamento di Kòrsou: Ora di pregunta (vragenuur) den Parlamento ku e tópiko “Justitiële Jeugd Inrichting Curaçao (JJIC)”.

Parlamento a yama e Ora di Pregunta aki, riba petishon di Miembro di Parlamento sra. Susanne Camelia-Römer. Sra. Camelia-Römer a haña e espasio pa hasi su preguntanan na minister Hato, ku minister Hato a kontestá mesora. Despues sra. Camelia-Römer komo petishonario a haña dos minüt pa reakshoná i hasi preguntanan adishonal. Diferente Miembro di Parlamento tambe a hasi uso dje oportunidat pa hasi un pregunta kada persona na e Minister relashoná ku e tópiko. Minister Hato a kontestá e preguntanan aki tambe pa finalmente Presidente di Parlamento sera e enkuentro.