Un Reunion Informal entre Gobièrnu ku Marnix van Rij, Alternate Executive Director di IMF
Asuntunan General i Promé Minister
Un Reunion Informal entre Gobièrnu ku Marnix van Rij, Alternate Executive Director di IMF
Publiká riba 16 Aprel 2026
WASHINGTON, D.C. – Promé Minister di Kòrsou, sr. Gilmar Pisas i Minister di Finansa, sr. Charles Cooper a tene un reunion informal ku Sr. Marnix van Rij, Direktor Ehekutivo Suplente di Fondo Monetario Internashonal (IMF).
Durante e interkambio, nan a papia tokante e proseso di tuma desishon den IMF i manera pa fortalesé koordinashon den Reino na nivel internashonal.
Temanan Prinsipal Diskutí:
* Prosesonan na IMF: Un diskushon riba kon desishonnan ta forma den e “Board of Direktornan” i kon pais chikí por partisipá manera mas efisiente.
* Fortalesé koordinashon den Reino: Interkambio riba manera pa mehorá e partisipashon entre e partnernan di Reino pa sòru ku e representashon ta mas koherente den IMF.
* Posishoná Kòrsou: Un bista riba kon Kòrsou por presentá su prioridatnan mas amplio di Reino i na IMF.
Durante e enkuentro, Sr. Van Rij a presentá un kopia di su buki “Reflecties van een politieke optimist” na e Promé Minister i Minister di Finansa.








