KUERPO POLISIAL KÒRSOU 

KOMUNIKADO DI PRENSA

131/2026

18 aprel 2026 

Intento di atrako  

Djabièrnè 17 di aprel 2026 alrededor di 21.07’or, Sentral di Polis a risibí yamada di un kaso  di atrako ku tabata tumando lugá riba un hòmber ku a yega pa tuma e plaka di dia na un  kantor di number riba Winston Churchillweg. 

Mesora a dirigí unidatnan na e sitio i for di investigashon preliminar ku polis a hasi na e sitio  el a komprondé ku un ratu promé, un hòmber a yega pa tuma plaka di benta na e kantor. Direpente un vehíkulo a yega i un hòmber bistí tur na pretu ku un kapuchon a baha for di  un vehíkulo i a los tiru dirigí riba e víktima pa despues a hui bai for di e sitio. 

A transportá e víktima pa CMC pa tratamentu mediko avansa. 

Investigashon den e kaso aki ta kontinuá.