Partisipashon di Miembronan di Parlamento di Kòrsou na PARLATINO

E miembronan di Parlamento, sr. Juniël Carolina i sr. Benito Desroche, a partisipá na e reunion di e Komishon di Salú di PARLATINO, ku a tuma lugá e dia 9 di aprel 2026 na Panama. Durante e enkuentro akí, e miembronan di Parlamento a duna nan aporte na e lei (madre) regional, pa garantisá ku e siudadano tin akseso na un bon sistema di salú.

E puntonan klave di e reunion tabata entre otro:

Implementashon di un strategia ku ta konektá salú di hende, animal i medio ambiente.

Prioridatnan Nobo: Dunando importansia na salú mental i prevenshon di enfermedatnan no- transmisibel.

Preparashon di sistemanan di salú pa enfrentá kambio klimatológiko, spesialmente pa e region di Karibe.

Tur Miembro di e komishon, inkluso sr. Carolina i sr. Desroche, a komprometé pa harmonisá leinan den nan paisnan pa garantisá mihó akseso na salú.