65 CHAUFFEUR A HAYA BOET DEN ORANJESTAD DURANTE CONTROL POLICIAL

Diasabra durante oranan di atardi despues anochi, polis uniforma di Oranjestad, hunto cu e Unidad Motorisa, y DTP a tene un control di trafico den districto Oranjestad.

E controlnan a wordo realisa riba Watty Vos Blvd y na altura di Camacuri.

Un total di 65 chauffeur a haya boet. Ademas durante e control polis a detene un persona pa posecion di droga (marihuana) y un persona pa menasa cu arma di candela

E boetnan tabata pa velocidad halto, no tabatin un rijbewijs valido, no tabatin keuringskaart na ordo, safety-belt, luz dilanti defecto y no tin helm.

Personal di DTP a reparti un totaal di 7 rapport.

Cuerpo Policial ta keda enfatisa cu e controlnan lo keda intensifica. Ta recorda tur automobilista pa percura pa tur documento di vehiculo di motor ta na ordo y pa cumpli cu e reglanan di trafico.

Un trafico sigur ta responsabilidad di nos tur.