Promé Minister Gilmar Pisas a topa ku Sekretario di Salubridat i Servisio Humano sr. Robert F. Kennedy Jr. na Washington D.C.

Durante su bishita di trabou na Washington D.C., Promé Minister di Kòrsou, Sr. Gilmar Pisas, a topa ku Sekretario di Salubridat i Servisionan Humano di Merka, Sr. Robert F. Kennedy Jr.

Promé Minister Pisas a keda enkantá ku e enkuentro ku Sekretario Robert Kennedy jr. i a ekspresá na dje ku Kòrsou lo keda komprometé pa mantené un bon relashon ku Merka. Den e kuadro ei, Promé Minister Pisas a indiká e disponibilidat di Gobièrnu di Kòrsou pa fortalesé kooperashon ku Merka den futuro serkano, spesialmente den e áreanan ku ta di interes komun.