MINISTER MIDDELHOF TA REUNÍ KU TIM DI KRÍSIS PA DELIBERÁ RIBA EFEKTONAN DI E SITUASHON INTERNASHONAL I KON PA SUAVISÁ KOSTO DI BIDA

Bou di mandato di Promé Minister Gilmar Pisas, Minister di Desaroyo Ekonómiko, Dr. Roderick Middelhof komo trekker i voorzitter di e Tim di Krísis, huntu ku Minister di Tráfiko, Transporte i Planifikashon Urbano i alabes Minister di Finansa, señor ing. Charles Cooper MSc, a reuní ku miembronan di Tim di Krísis pa deliberá riba e situashon internashonal aktual ku ta afektá preisnan den nos merkado.

Den e reunion aki, a enfoká riba diferente punto, entre otro, posibilidat pa fiha preisnan máksimo i tambe e posibilidat pa duna supsidio temporal na esnan ku mas nesesidat.

Esaki nan lo wòrdu deliberá den e próksimo Konseho di Minister. Gobièrnu di Kòrsou lo buta un rueda di prensa riba korto plaso pa duna mas informashon na pueblo di Kòrsou.