[ CUENTA ANUAL ] Prome Minister Mike Eman, hunto cu Minister di Finansa Geoffrey Wever, a ricibi recientemente e Cuenta Anual 2025 di Aruba Fair Trade Authority (AFTA).

E entrega oficial a wordo realisa pa Ernesto Kross, director di AFTA, y Filomeno (Roly) Sint Jago, presidente di Raad van Bestuur.

AFTA ta un organismo independiente cu ta vigila competencia honesto den mercado y proteccion di derecho di consumidor na Aruba. Como un organo autonomo cu personalidad juridico, e ta desempeña un rol importante den garantisa un mercado husto y transparente.

Durante e encuentro, a comparti riba e progreso logra durante e ultimo aña. Den 2025, AFTA a sigui fortalece su rol, ampliando su enfoke pa inclui proteccion di consumidor, un paso importante pa sigura cu empresanan opera den manera husto y cu ciudadano por haci decisionnan informa.

E entrega di e Cuenta Anual ta representa un momento importante di rendicion di cuenta y transparencia, mostrando e compromiso pa un mercado cu ta traha pa beneficio di comunidad henter.