[ ENTREGA DI BUKI ] Prome Minister Mike Eman a ricibi recientemente dos publicacion importante cu ta pone enfasis riba biodiversidad y conocemento tradicional di Caribe.

Zakflora – presenta pa André van Proosdij

Un obra esencial cu ta reuni casi 600 especie di mata di Aruba, Boneiro y Corsou. E buki ta yuda identifica y proteha nos flora, incluyendo especie unico cu ta crece solamente na Aruba.

E guia práktiko di mata medisinal di Karibe – di TRAMIL

Un guia den Papiamentu cu ta ofrece informacion practico riba uzo responsabel di mata medicinal, basa riba conocemento tradicional y investigacion cientifico.

Durante e encuentro, a enfatisa importancia di conserva nos naturalesa y comparti conocemento pa futuro generacionnan.

Ciencia y tradicion hunto pa un Aruba mas consciente y sostenibel.