Durante e Anochi Informativo pa Comunidad, organisa pa Fundacion Autismo Aruba, a destaca cu inclusion no ta djis un concepto, pero un responsabilidad cu nos mester asumi hunto como sociedad.

E anochi a crea un espacio importante unda famianan por haya mas claridad, direccion y acceso na informacion y servicionan cu tin disponibel na Aruba, a traves di panel discussion y dialogo directo cu expertonan y organisacionnan presente.

Den mi rol como Minister di Salubridad y Asunto Social, mi ta considera esaki un prioridad: pa sigui fortalece e conexion entre sector di salud, sector social y otro partnernan relevante, pa logra un sistema cu ta realmente sostene cada ciudadano.

Masha danki na tur partner y stakeholders cu a contribui na e anochi aki, incluyendo:

Fundacion Autismo Aruba, DVG, Inspectie Volksgezondheid, AZV, MDC, Wit Gele Kruis, Respaldo, Directie Sociale Zaken, Dienst Publieke Scholen, Fundacion Pa Nos Muchanan, Stichting HUNTO y Trampolin pa Trabao.

E trabou aki ta continua. Nos lo sigui tuma e pasonan necesario pa logra un sociedad unda tur persona por tin e “ingredientenan” pa desaroya y briya.