Ku orguyo i emoshon, awe mi tabatin e honor di anunsiá na e nominado pa e prestigioso Premio Cola Debrot 2026.

E kategoria di e aña aki ta Baile un forma di arte unda pashon, disipliná i kreatividat ta uni pa forma talento i inspirá komunidat.

E nominado di e aña aki ta: Jeritza Vivas.

Ku su dedikashon konstante i kontribushon balioso, el a logra laga un impakto duradero riba e desaroyo di baile na Kòrsou, inspirando tantu hóbennan komo adulto pa ekspresá nan mes a traves di arte.

Felisitashon di kurason na Jeritza Vivas pa e nominashon meresí!

Su trabou ta un refleho di ekselensia i amor pa nos kultura.

Laga nos sigui duna balor na nos talento lokal i sigui selebrando e rikesa di nos ekspreshon artístiko.