Aklarashon reklamo di stènt

Resientemente Fundashon Herensia Kultural(FHKR) Rincon ku ta enkargá ku
organisashon di e magno evento Dia di Rincon a tuma nota di personanan ku a bai den
prensa pa asina indiká nan mal kontentu pa ku un desishon tuma pa FHKR. Sin bai muchu den detaye nos lo splika breve kiko a kondusí na e desishon aki. Ta asina aki ku e persona aki a komete vários infrakshon ku regla durante añanan i ku na 2025 a kondusí na seramentu di e stènt dor di hygienische dienst pa falta di higiena i no atendé den forma korekto ku konsumo. Kual pa organisashon I pa hygienishe dienst ta e infrakshon di mas severo i ku mester atendé ku tur seriedat. Kual outomátikamente mirando tur e infrakshon nan ku a keda komete I e situashon di kon ta trata ku kuminda pa benta, a kondusí pa pone e persona aki riba blacklist. E video di e stènt den estado sushi aki tambe a sirkulá, kual tambe ta pone ku por trese deskonfiansa den stènt nan di kuminda na e evento di diadi Rincon. I asina daña pa otronan.
E aña aki nos a risibí indikashonnan for di trempan ku e mesun persona aki lo bai pone
stènt na dia di Rincon I tambe ku e la indiká ku ta bou di un otro nomber. Nos no tabata tin e detayenan presis, pues no a reakshoná riba esaki.
Na momento ku e doño di e stènt a indiká ku e mes lo no por ta presente “mas” I ku e ta
duna informashon di su persona di kontakto, kual ta e persona aki ku ta riba black list.
FHKR a tuma e desishon pa pasa over na sera e stènt aki, debí ku e persona nobo ku ta
enkargá ku e stènt a bira un persona ku no por pone stènt na Dia di RIncon.
Fundashon Herensia Kultural Rincon ta para pa siguridat den tur sentido di palabra pa tur ku ta bishitá dia di Rincon. I mirando kon grandi e evento aki ta I kuantu risiko tin, na momento ku tin algu ku ta impedí esaki ta tuma akshon mesora.

Met vriendelijke groet,
Fundashon Herensía Kultural Rincon
Mevrouw Diana Kroon – Janga
Mevrouw Xenah Cicilia
Mevrouw Edile Goeloe