KUERPO POLISIAL KÒRSOU 

KOMUNIKADO DI PRENSA

139/2026

22 aprel 2026 

Entrada hudisial ku dos detenshon pa violashon di lei di arma di kandela 

Djárason 22 di aprel 2026 alrededor di 05.20’or, personal di Tim di Aresto konhuntamente  ku Tim di Atrako a tene entrada hudisial na un adrès den Costa Ricaweg. 

Durante di e entrada hudisial polis a enkontrá dos arma di kandela. 

Pa unu di e armanan aki e doño tin un permít pero a bin enkontrá mas ku e kantidat di  munishon ku konforme di e permít ta permití. 

Tambe a bin enkontrá un otro arma di kandela pa kua e habitante no tin permít. 

A konfiská e dos armanan i tur munishon. 

Enkonekshon ku esaki a detené e hòmber V.G. di 44 aña di edat nasé na Haiti i e dama  E.A.H.G. di 44 aña di edat nasé na Kòrsou, pa violashon di e lei di arma di kandela. 

A presentá e sospechosonan dilanti di un fiskal ouksiliar ku a ordená nan enkarselamentu  pendiente di mas investigashon.