Fundashon Duna Lus a bishitá minister Boekhoudt

WILLEMSTAD – Den un paso konkreto pa fortalesé e sistema di kuido na Kòrsou, Minister di GMN Tyron Boekhoudt, a risibí representantenan di Fundashon Duna Lus pa un reunion di introdukshon ku tabata enfoká riba kontinuidat, sostenibilidat i impakto di nan trabou den komunidat.

Durante e enkuentro, Fundashon Duna Lus a presenta varios punto i e impakto ku nan tin den nos komunidat, tambe e reto nan ku nan ta enfrentá pa por sigui ofresé nan servisio di un manera sostenibel.

E bishita aki ta forma parti di un serie di reunionnan di introdukshon ku diferente partnernan den sektor di salú, ku e meta pa fortalesé kolaborashon i eksplorá posibilidatnan pa mehorashon struktural nos sistema di kuido.