Minister Sithree “Cey” van Heydoorn Awe a marka e apertura ofisial di e dieskuater edishon di Koningsspelen.

Mi ta sinti un orguyo enorme di mira kon nos skolnan ta bini huntu pa selebrá deporte, salu, union i divershon.

E aña aki no ménos ku 49 skol i mas di 11 mil alumno ta partisipando un prueba kla ku nos muchanan ta kla pa move, pa siña i pa bria!

Pa mi, Koningsspelen no ta solamente tokante gana, pero tokante desaroyo, rèspèt i trabou den ekipo.

E energia, sonrisa i entusiasmo di nos hóbennan awe ta mustra nos ku futuro di Kòrsou ta den bon man.

Mi ke gradisí tur maestro, dosente, organisadónan, boluntario i mayornan ku a pone nan kurason pa hasi e dia aki posibel.

Boso trabou ta di un balor inmenso.

Na nos muchanan: disfrutá, kompetí ku rèspèt i kere den bo mes pasobra kada un di boso tin un futuro briante!

Laga nos sigui konstruí un Kòrsou fuerte, uní i salú pa medio di deporte