Prome Minister Gilmar Pik Pisas 𝐊𝐨𝐧𝐢𝐧𝐠𝐬𝐬𝐩𝐞𝐥𝐞𝐧 𝟐𝟎𝟐𝟔: 𝐈𝐧𝐯𝐞𝐫𝐭𝐢́ 𝐝𝐞𝐧 𝐬𝐚𝐥𝐮𝐛𝐫𝐢𝐝𝐚𝐭, 𝐚𝐥𝐞𝐠𝐫𝐢𝐚 𝐢 𝐟𝐮𝐭𝐮𝐫𝐨 𝐝𝐢 𝐧𝐨𝐬 𝐦𝐮𝐜𝐡𝐚𝐧𝐚𝐧 

Djabièrnè 24 di aprel Promé Minister Pisas, huntu ku Minister di Enseñansa, Siensia, Kultura i Deporte sr. Sithree van Heydoorn i Su Ekselensia Gobernador Mauritsz de Kort, tabata presente na Stichting Klein College pa apertura ofisial di e 14de edishon di Koningsspelen 2026.

Koningsspelen di aña aki ta wordu selebrá bou di tema “Iedereen Plezier”, i ta reuní mas ku 10.900 mucha di varios skolnan di enseñansa di fundeshi rònt Kòrsou, pa partisipá na un dia dediká na deporte, movementu i biba salú.

Promé Minister Pisas ta orguyoso di mira kon nos muchanan ta krese den un ambiente kaminda deporte, alegria i union ta tuma un lugá sentral den nan desaroyo.

Pasobra ora nos invertí den salubridat, disiplina i felisidat di nos muchanan, nos ta invertí den e futuro di Kòrsou mes.