Boneiru

E bishita di trabou ta kuminsá na Boneiru. Aki e tin dos bishita planiá den kuadro di violensia doméstiko i abuzu di mucha, esta na e akohida di hende muhé Refugio Tabitha i na e punto di konseho i notifikashon Guiami. Riba e siguiente dia, e minister ta bishitá Fundashon Mariadal, Bonaire Medisch Centrum, Mental Health Caribbean i Sentro Akseso Boneiru. Ademas e ta topa ku Kolegio Ehekutivo i ta papia ku Representante di Reino interino Jan Helmond. Riba e último dia, despues di un rekorido serka FKPD na Rincon, ta sigui e reapertura di e kurá di hunga renová Misa di Rincon. Finalmente, e Minister ta papia ku representantenan di ZW Groep i ta pasa serka Rosa di Sharon.

Sint Eustatius

Na Sint Eustatius, e minister tin un enkuentro ku e Kolegio Ehekutivo. Despues, e ta hasi un bishita di kas den kuadro di kuido pa hóben i e ta bishitá Sint Eustatius Health Care Foundation (Fundashon Kuido di Salú) i e kas di ansiano Auxiliary Home. Tambe e ta papia ku representantenan di e Departamento di Salubridat (Public Health Department) i e Direktorado pa Bienestar (Directorate of Social Domain) di Entidat Públiko Sint Eustatius.

Saba 

Na Saba, e minister ta topa ku Kolegio Ehekutivo. Ademas, e ta bishitá e kas di refugio pa víktima di violensia doméstiko Domestic Violence Shelter i ta papia ku representantenan di e servisio pa Desaroyo di Komunidat (Community Development) i e Departamento di Kultura (Culture Department) di Entidat Públiko Saba. E bishita di trabou ta klousurá ku un bishita na Saba Cares, kaminda alabes ta habri un parti di e kas di kuido pa ansiano nobo.