Klousura di e kurso post-akadémiko di asuntunan di Reino
Riba djabièrnè 24 di aprel lo tuma lugá e klousura di e promé edishon di e kurso post-akadémiko di asuntunan di Reino. E kurso akí ta un inisiativa di Haagse Hogeschool i Universiteit Leiden, i ta destiná pa profeshonalnan na tur dos banda di oseano ku den nan trabou ta bini den kontakto ku Reino i relashonnan di Reino. E promé edishon di e kurso ta yená ku 20 partisipante for di Hulanda Oropeo i 20 partisipante for di e islanan Karibense den Reino.
Durante e klousura riba 24 di aprel, e partisipantenan lo presentá nan trabou final den forma di un póster i nan sertifikadonan lo wòrdu entregá. E enkuentro lo tuma lugá entre 14:00 or pa 17:00 or na Haagse Hogeschool i lo terminá ku un bòrelo i representante di instansianan ku ta okupá ku relashonnan di Reino te keda invitá. E enkuentro lo tuma lugá entre 14:00 or pa 17:00 or na Haagse Hogeschool i lo klousurá ku un bòrel.
Durante e klousura, un kantidat di oradónan prominente lo dirigí palabra na e graduadonan i e públiko mas amplio:
- Mike Eman, Promé Minister di Aruba
- Eric van der Burg, Sekretario di Estado di Relashonnan di Reino
- Sarah de Rijcke, rèktòr magnífiko di Universiteit Leiden
- Arend Hardorff, vise presidente di Haagse Hogeschool
E kurso ta wòrdu koordiná pa drs. Marcel Daniëls (Haagse Hogeschool) i prof. dr. Wouter Veenendaal (Universiteit Leiden). Veenendaal tin e titular di e kátedra spesial di Representashon Demokrátiko den Reino, ku a wòrdu establesé na 2024 dor di Ministerio di Asuntunan Interno i Relashonnan di Reino (BZK) pa stimulá atenshon mas profundo i amplio pa relashonnan di Reino. BZK tin tambe un kolaborashon ku Haagse Hogeschool riba e tereno di kompartimentu di konosementu tokante relashonnan di Reino.
Debí na interes kontinuo, a disidí pa ofresé e kurso otro aña atrobe. Bo ta interesá pa partisipá? Bo por inskribí pa e kurso via: https://www.dehaagsehogeschool.nl/opleidingen/post-hbo/leergang-koninkrijkszaken.
