Korps Politie Caribisch Nederland – KPCN UPDATE #1: Antesala Simadan di mucha, pa Dia di Rincon

Simadan di mucha a start 4.25 or di atardi. Polis a tene kòntròl riba vehíkulo i e shofùrnan ku ta partisipá den e parada. A kontrolá tur shofùr riba reibeweis bálido i tambe dokumento di seguro. Un shofùr no por a mustra dokumento di seguro i un otro shofùr su reibeweis a kaduká. A saka tur dos shofùr i vehíkulo for di e parada.

Tambe a hasi tèst di supla ku shofùrnan i tur a pasa esaki ku éksito.

E kòntròlnan aki ta esensial pa seguridat di nos muchanan ku ta partisipá den parada i e públiko. KPCN ta rekordá tur shofùr pa sòru di tin tur e dokumentonan nesesario i pa no manehá bou di influensia di alkohòl. Kòntròlnan por tuma lugá na kualke momentu durante e parada.