Parlamento di Kòrsou Parlamento di Kòrsou a risibí Sr. Thom de Graaf, den kuadro di su despedida komo Visepresidente di Raad van State.

Djamars 28 di aprel 2026, e enkuentro ku sr. De Graaf tabata un momentu kaminda Miembronan di Parlamento tabatin e oportunidat pa interkambiá idea i pensamentu ku Sr. De Graaf den un ambiente ameno i informal.

Durante su añanan di servisio, Sr. De Graaf a hunga un ròl importante den e relashonnan den Reino, i e bishita aki ta marká e fin di su trayektoria den su funshon aktual.

Presidente di Parlamento, huntu ku e miembronan presente, a gradisí Sr. De Graaf pa su aporte i e koperashon durante e último añanan, deseando e tur klase di éksito den su siguiente pasonan.